Filip Gligorov është afrimi më i fundit i Partizanit. Mbrojtësi u zyrtarizua ditën e martë si përforcimi i radhës i të kuqve.
Në një intervistë për “Panoramasport” , Gligorov tregoi arsyen pse zgjodhi Partizanin, si dhe tregoi objektivat e tij personalë dhe me klubin. Gjithashtu, kishte edhe një mesazh për tifozët e kuq, për të cilët u shpreh se mezi po pret që të ketë nga afër mbështetjen e tyre.
Përshtypjet e para me skuadrën- Ndihem shumë mirë, përshtypjet e para janë pozitive. Tani po pres të nis punën dhe të përshtatem me skuadrën.
Pse zgjodhët Partizanin? Partizanit e zgjodha sepse është klubi më i mirë në Shqipëri me një histori të gjatë dhe oferta nuk mund të refuzohej, prandaj e pranova.
Roli te Partizani– Nuk mund të them ende se do të jem një lojtar i rëndësishëm në ekip, së pari duhet të luftoj për një vend në 11 më të mirët. Unë do të bëj çmos për ta justifikuar besimin që më është dhënë dhe besoj te cilësitë e mia.
