Një skandal ndodhi pak ditë më parë nëAngli, ku ish-ministri britanik i Shëndetësisë Matt Hanckok u kap nga kamerat e sigurisë duke shkëmbyer prekje dhe puthje pasionante me sekretaren e tij në ambientet e punës. Pak orë pas publikimit të pamjeve, 42-vjeçari vendosi të jepte dorëheqjen nga posti i ministrit, por thjesht tha se ishin shkelur rregullat anti-Covid.
Ai gjithashtu i ka dhënë fund edhe martesës së tij 15-vjeçare me bashkëshorten Marta. Sipas prestigjiozes britanike “The Sun”, ndarja e tyre erdhi para se pamjet me ndihmësen të bëheshin publike në media. Nga ana tjetër edhe bashkëshorti i sekretares Gina Coladangelo u shokua nga pamjet e publikuara në media.
Ajo çfarë nxiti më tepër debat në opinion publik ishte fakti se ish-ministri pati kontakte të afërta fizike me ndihmësen e tij në një kohë kur nuk lejohej që njerëzit të kishin kontakte intime me një person jashtë familjes së tyre. Tashmë ish-ministri ka nisur një romancë me sekretaren e tij.
