Këngëtari i njohur shqiptar dhe autor i shumë këngëve, Ylber Aliu, ka ndërruar jetë në moshën 33-vjeçare.
Lajmin e trishtë për ndarjen nga jeta të këngëtarit nga Shkupi e kanë dhënë miqtë e tij në rrjete sociale, si Adem Ramadani dhe reperi Gold Ag.
“Të Allahut jemi dhe tek Ai të gjithë do të kthehemi
Si fëmi shumë jemi dashtë.
E sa herë kemi qenë bashkë, në shumë simpoziume, koncerte, emisione dhe pothuajse shumë të rralla janë projektet e mia ku ti nuk ke marr pjesë. Ti ke qenë një talent i rrallë, artist i madh dhe besimtar i vërtetë.
E duke qajt dert për sëmundjen tënde e kujtoj fjalën ku shpesh ma thoje – “ Allahu më ka dhënë shumë sabër “ – Do t’më mungosh shumë Ylber – Lus Allahun e Madh që bashkë të jemi në Xhenetet e Tij të larta, atje ku më nuk ka sëmundje, nuk ka lot, as dhimbje e as vdekje. Ngushllimet më të përzemërta Familjes Aliu, ngushllime gjithë shqiptarëve.”– shkruan Adem Ramadani.
