Një aksident ka ndodhur mbrëmjen e sotme në aksin Shëngjin-Lezhë, ku janë përfshirë një automjet dhe një motoçikletë.
Si pasojë, është lënduar drejtuesi i motorit Gjergj Gjoni, banues në Balldre, i cili po merr kujdesin e nevojshëm mjekësor, jashtë rrezikut për jetën.
Drejtuesi i mjetit është shoqëruar në komisariatin e policisë për veprime të mëtejshme, ndërkohë që policia dhe grupi hetimor ndodhen në vendngjarje dhe po vijojnë punën për zbardhjen e rrethanave të aksidentit.
Dyshohet se shkak për aksidentin është bërë prerja e rrugës së automjetit nga motoçikleta.
