Babai i pikëlluar i Carolinës, që u vra nga burri i saj grek, ka shpërthyer ndaj dhëndrit në një intervistë të fundit. Ai është shprehur se është tronditur pa masë kur e ka marrë vesh të vërtetën. I ati i 20-vjeçares ka thënë se do ja ‘këpuste’ kokën dhëndrit nëse do e dinte që vrasjen e kishte kryer ai.
“Kur e mora vesh më vonë, pendimi im ishte se nuk e kisha ditur kur ai ishte këtu. Unë do t’i kisha hequr kokën e tij dhe do të kisha marrë me dëshirë pasojat”,- shprehet David.
Kujtojmë se Babis Anagnostopoulos mbyti gruan e tij Caroline Crouch me një jastëk para vajzës së tyre 11 muajshe. Ai më pas u tha hetuesve se gruaja e tij ishte vrarë gjatë një grabitjeje. Por Anagnostopulos, më vonë rrëfeu se ai e kishte vrarë vetë Carolinën, pasi ajo i kërkonte divorcin dhe të merrte vajzën 11-muajshe
