Bashkia e Tiranës u tërhoq nga vendimi i saj për të mos shpërndarë abonenë e përgjithshme. Pas këtij vendimi ka reaguar Organizata Politike e cila shprehet se tërheqja vjen menjëherë pas protestës së organizuar prej tyre dhe dorëzimit të peticionit.
Kjo organizatë mblodhi 11 244 firma t11 244 qytetarëve duke e dorëzuar peticionin në Bashki.
Deklarata
Organizimi dhe reagimi shoqeror kunder heqjes arbitrare te abonese se pergjithshme nga Bashkia Tirane, pati efektin e vete. Pas peticionit te organizuar nga Organizata Politike, me 11 244 nenshkrime qytetaresh, dhe protestes se dates 25 qershor para Bashkise Tirane, kjo e fundit u terhoq nga padrejtesia e bere 1 muaj me pare. Nga muaji korrik, aboneja e pergjithshme do jete serish ne dispozicion te banoreve te Tiranes.
NJË FITORE E VOGËL NË NJË LUFTË TË GJATË
Bazuar në disa raportime mediatike, Këshilli Bashkiak i Tiranës e ka kthyer vendimin e heqjes së abonesë së përgjithshme. Megjithëse ende nuk e dimë nëse abonetë e përgjithshme do të kenë të njëjtin çmim apo do të shpërndahen në sasi të mjaftueshme, nuk mund të mos shënojmë faktin se presioni i mbi 11,000 qytetarëve në peticion dhe protestë ka korrur fitoren e vet të parë.
Sidoqoftë kauza e transportit publik nuk përmban vetëm abonenë. Me rëndësi jetike është plotësimi i të gjitha kërkesave qytetare – nga përgjysmimi i çmimeve për të papunët, pensionistët dhe punëtorët me pagë minimale te shërbimi dinjitoz brenda autobusëve dhe me shpejtësinë e duhur.
Transporti publik në Tiranë mbetet kaotik dhe diskrimunues, ku më të prekurit janë punëtorët dhe të varfrit.
Ne, aktivistët e Organizatës Politike, do të vazhdojmë të luftojmë së bashku me mijëra qytetarë që transporti publik në Tiranë t’u përshtatet nevojave të njerëzve të thjeshtë.
TRANSPORT PUBLIK CILËSOR DHE I LIRË!
