Shfrytëzimi i rërës në vijën bregdetare vijon të prodhojë konflikte. Pas masakrës së Velipojës ku 4 persona mbetën të vrarë dhe 2 të tjerë u plagosën, në Drimadhë raportohet se janë djegur 60 shezlonge të një biznesi të vogël, që operon në këtë plazh.
Nga raportimet mësohet se ngjarja ka ndodhur rreth orës 01:30 të mëngjesit të sotëm. Dyshimet e para janë se djegia ka qenë e qëllimshme dhe se shkak mund të jetë bërë një konflikt i mëparshëm midis bizneseve për shfrytëzimin e vijës bregdetare në këtë zonë.
Lejen për shfrytëzimin e rërës në bregdet e përcakton Ministria e Turizmit dhe Agjensia Kombëtare e Bregdetit, institucione nën varësinë e Kryeministrit, të cilat duket se me vonesat në dhënien e lejeve po shkaktojnë konflikte mes bizneseve që operojnë në zonat turistike.
