Spanja mundi 5-3 Kroacinë dhe kaloi në çerekfinalet e “Euro 2020”, në një ndeshje spektakolare që u zgjidh pas kohës shtesë.
90 minutat përfunduan në barazim 3-3, ndërkohë që në shtesë ishte Alvaro Morata ai që zgjidhi ndeshjen me një supergol me të majtën. Më pas, Oyarzabal vulosi gjithçka me golin e pestë.
Spanja e nisi keq ndeshjen, duke i dhuruar një gol të pabesueshëm kroatëve, pasi topi i kthyer pas nga Pedri, nuk u ndalua dot nga portieri Unai Simon dhe përfundoi në rrjetë. Kjo goditje nuk e trullosi Spanjën, që me Sanabria barazoi rezultatin (38’) që në pjesën e parë.
Në të dytën, Azpilicueta kaloi në avantazh iberikët (57’), ndërsa 20 minuta më vonë, Ferran Torres duket sikur e vulosi përballjen golin e tretë. Por, ekipi ballkanas nuk e kishte thënë ende fjalën e fundit. Brenda 7 minutave, Orsic dhe Pasalic (85’ dhe 92’) shënuan dy gola dhe e dërguan ndeshjen në shtesë.
Por, në 30 minutat e shtesës, Kroacia nuk kishte më “karburant” për të përballuar Spanjën, duke i dhënë lamtumirën Evropianit.
Spanja tashmë në çerekfinale do të presë fituesin e duelit Francë-Zvicër.
https://streamable.com/8y7nk7
https://streamable.com/phbo3n
https://streamable.com/9apo5e
https://streamable.com/k1nfpx
https://streamable.com/tpuls6
https://streamable.com/6qsbk0
https://streamable.com/5zsqmf
