Një ditë pasi vajza 19 vjeçare shqiptare denoncoi dy djem bashkëkombës se e kanë mbajtur peng dhe përd hunuar për tri ditë me radhë, vijnë dëshmi dhe pretendime të tjera mbi këtë ngjarje.
Vajza sot ka deponuar sërish në polici. Më herët dje, ajo kishte thënë se dy djemtë shqiptarë 20 dhe 21 vjeç që shikoni në foto, e rrëmbyen dhe e mbyllën në një apartament në lagjen Kipseli në Athinë dhe e përd hunuan atë tri ditë rresht.
Sidoqoftë, sipas burimeve të prokurorisë, 19-vjeçarja ka modifikuar sot deklaratën deponuese që dha dje në polici. Ajo thotë se i përmbahet pjesërisht padisë së ngritur të shtunën ndaj dy djemve.
Policia tha të dielën pasdite se enigma mund të zgjidhet nga testet toksikologjike që i janë kryer 19-vjeçares, pasi – siç kishte pretenduar ajo- të rinjtë i dhanë drogë ndërsa e mbanin në mënyrë të paligjshme.
Para gjykatës ata mohuan çdo akuzë duke thënë se asgjë për të cilën vajza e re u ankua nuk ishte e vërtetë.
Të rinjtë përshkruan një ngjarje diametralisht të kundërt me atë që kallëzoi vajza. Ata thanë se një prej tyre e kishte njohur prej një muaji në Instagram 19 vjeçaren dhe e ftoi të pinin diçka. Vajza vajti të mërkurën në banesën ku i riu ndodhej me një shok dhe konsumuan pije. Më pas sipas tyre rrodhën akte intime pa dhunë. Tri ditë më pas ata nisen me pushime në Mikonos dhe pasi u ndanë me vajzën morën anijen për në ishullin turistik grek.
Sot prokurori procedoi të arrestuarit 20 dhe 21-vjeçar për rrëmbim dhe mbajtje peng në bashkëpunim për të detyruar viktimën në veprime të turpshme, përd hunim në grup, përdorim droge, posedimi dhe furnizimi i barnave për përdorim vetjak.
