Mediat greke kanë publikuar fotot e dy shqiptarëve që përdhunuan për tre ditë me radhë një bashkatdhetare të tyren 19-vjeçare. Ngjarja ka ndodhur në Athinë dhe ata janë njohur fillimisht nëpërmjet rrjeteve sociale. Njëri prej tyre e takoi vajzën në një lokal nate në Athinë, i hodhi diçka në pije dhe e çoi në banesën e tij.
Në banesë ndodhej dhe shoku i tij dhe më pas të dy kanë nisur të përdhunojnë 19-vjeçaren. Vajza ka përjetuar tmerr për tre ditë derisa dje u la e lirë nga dy djemtë, të cilët u nisën me pushime në Mykonos. Mirëpo 19-vjeçarja i denoncoi dhe dy të rinjtë ranë në prangat e policisë greke.
