Interi raportohet se ka hyrë në negociata me Arsenalin për mbrojtësin e djathtë, Hector Bellerin, i cili është shënjestruar si zëvendësuesi i Achraf Hakimit në “Giuseppe Meazza”.
Gazetari i Sky Sport Italia, Gianluca Di Marzio raporton se zikaltrit po shikojnë për zëvendësuesin e marokenit para fillimit të sezonit 2021/22.
Hakimi do t’i bashkohet Paris Saint-Germainit, pasi që të dy ekipet thuhet se kanë arritur një marrëveshje përt transferimin e 22-vjeçarit.
Interi po kërkon ta zëvendësojë me Bellerinin, ndërsa Arsenali tashmë ia ka vënë çmimin prej 20 milionë eurove. Interi dëshiron ta marrë në formë huazimi me një opsion për ta blerë në fund të edicionit dhe ka hyrë në biseda me “Topçinjtë”.
26-vjeçari spanjoll ka një kontratë deri në qershor të vitit 2023, teksa arriti nga ekipi i të rinjve të Barcelonës në korrik të vitit 2011.
Që nga atëherë, Bellerin ka bërë 239 paraqitje, duke kontribuar me nëntë gola dhe 29 asiste.
