Katër persona mbetën të vrarë dhe dy të tjerë u plagosën si pasojë e një konflikti me armë zjarri, në kulmin e sezonit turistik në Velipojë.
Bilanci është i ngjashëm me atë të një masakre, ndërsa shkaku se si nisi konflikti janë shezlongjet e plazhit, mes pronarëve të dy bizneseve.
Disa orë pas ngjarjes së rëndë, në Velipojë, u shfaq Kryepolici Ardi Veliu, i cili duket se po numëron viktimat, pasi përgjatë kohës që po drejton Policinë e Shtetit ka treguar arroogancë, paaftësi dhe frymëzim dhune.
Prania e tij në skenën e krimit me 4 të vrarë dhe 2 të plagosur ka qenë simbolike, pasi në Velipojë tashmë janë zhvendosur forcat speciale për të parandaluar vazhdimin e vrasjeve mes dy familjeve, hotelet e të cilëve janë pranë njëri-tjetrit.
Drejtori i Policisë ka bërë edhe një parakalim para gazetarëve dhe kameramanëve të Shkodrës, si për të treguar se ai ndodhet në vendin e ngjarjes.
Por duket se prania e tij, ka sjellë reagimin e ashpër të një prej gazetarëve, Elvis Nabolli, i cili pasi shpërndan filmimet në rrjetet sociale e ka quajtur “të paftyrë” Drejtorin e Policisë duke vënë në dukje se prej kohësh bregu i Velipojës kontrollohej nga krimi.
Reagimi i plotë i gazetarit Nabolli:
“Ky është drejtori i Policisë së Shtetit… një ndër ma të papërgjegjshmit në atë vend!
I vriten 4 vetë në mes të sezonit turistik për shezllone kurse ky halja me efektivët nën varesi bën show-in e radhës!
I paftyrë….
Bregu i plazhit të Velipojës kontrollohet nga kriminelë me background prej vitesh, ndërsa efektivet e këtij palaços jo që nuk mund t’ju afrohen por merren me fukarenjte!
Rezultati dihet… si sonte!!”, shkruan gazetari.
