Franca është një nga skuadrat favorite për fitimin e kampionatit europian të futbollit edhe pse deri tani nuk ka bindur aq sa pritej.
Skuadra e Deschamps do të sfidojë Zvicrën në sfidën e parë me eliminim direkt.
Didier Deschamps nuk i zë besë skuadrës helvete, sidomos repartit të tyre ofensiv. Trajneri i Francës vlerëson kombëtaren e Petkovic, sidomos aftësinë për të zbritur në fushë me disa sisteme loje.
“Zvicra është një ekip i strukturuar mirë. Ata kanë një potencial ofensiv interesant, kjo falë cilësive të Embolo, Seferovic dhe Shaqirit. Ata e kanë treguar se dinë t’i përshtaten ekipeve kundërshtare.
Ndodhi me Turqinë, ndeshje të cilën e luajtën me tre lojtarë në prapavijë. Ne jemi gati dhe do bëjmë gjithçka për të fituar“, theksoi trajneri i kampionëve të botës.
