Nga Boldnews.al
Kur Kryepolici i Shqipërisë, Ardi Veliu, ka qenë në moshë të re, me shumë mundësi ka ndjekur dhe ka qeshur me personazhin “Pitkin”, një prej të paktëve filma të huaj humoristik që jepte Televizioni Shqiptar i para viteve ’90.
Pitkini, i luajtur mjeshtërisht nga aktori britanik Norman Ëisdom, ishte në pjesën më të madhe të roleve një shërbëtor grotesk në oborret e aristokracisë londineze.
Këtë personazh, ndoshta pa vetëdije, po e luan më së miri Drejtori i Përgjithshëm i Policisë Shqiptare, strukturës që është në pikën më të ulët për luftën kundër kriminalitetit dhe mbrojtes së jetës në vend.
Në orët e para të mëngjesit të së Dielës (27.06.2021), Veliu u shfaq me shpurën e tij në Velipojë, pas një përplasje tragjike me armë, ku mbetën të vdekur 4 të vdekur dhe 2 të plagosur në bregdetin verior të Adriatikut.
Me një ecje pompoze, tërësisht pa lidhje me situatën, ai u shfaq duke numëruar viktimat, në një zonë që dihet prej vitesh se është “tortë” e ndarë mes grupeve kriminale, nën hundën e Policisë së Ard Veliut.
Parada e Kryepolicit në Velipojë ishte tërësisht e pavend. Ligji “Për Policinë e Shtetit” nuk i jep drejtorit të përgjithshëm kompetenca për të kryer veprime hetimore.
E vetmja masë që merr drejtuesi më i lartë i Policisë është urdhëri për lëvizjen e forcave speciale në një zonë “të nxehtë”, me propozim të drejtuesi lokal të uniformave blu.
Pas ngjarjes së rëndë në Velipojë, zona u rrethua nga forcat speciale. Pra, detyra e Veliut kishte përfunduar nga zyra.
Por, ai duhet të dukej vetë atje. Ndoshta për të shërbye si një pararendës për atë që do të postonte shefi i tij i madh, Edi Rama, në rrjete sociale.
Mëngjesin e së Dielës, kur gjaku i katër viktimave ende nuk ishte pastruar nga rëra e Velipojës, kryeministri postoi një foto për “mrekullitë” e atij bregdeti.
Postimi i Ramës u shoqërua me reagimin e dhjetra qytetarëve, të cilët i kujtojnë se në “bregdetin e mrekullueshëm të Velipojës”, sapo janë vrarë 4 persona.
Por, Rama kishte dërguar Ard Veliun në Velipojë, për të treguar se, aty ku ka viktima, ka edhe numërues të tyre.
Këtë rol e bën më së miri kryepolici shqiptar, i cili është i kudogjendur për t’i shërbyer Ramës, deri në groteskt, njëlloj si “Pitkini”.
Ard Veliu tashmë është bërë ekspert i “përdorimit” nga kryeministri.
Ai gjendet në vendin e duhur, në kohën e duhur, për të luajtur rolin e “karagjozit” publik, sa herë që kriminaliteti në Shqipëri kap nivele të larta dhe mund t’i prishi imazhin idilik Krye-Rilindasit Rama.
Pak orë më parë, kryepolici urdhëroi forcimin e bujshëm të masave rrugore, pasi një “djali i babit” shoi një familje të tërë në autostradrën e Vlorës.
Ai aks rrugor është një pikë e errët në komunikacionin shqiptar, pasi të fortët dhe të pushtetshmit nuk e kanë për gjë që ta kthejnë në pistë shpejtësie.
Por, “Pitkini” kryepolic duhet të dukej se kishte marrë masa, pasi pak orë pas aksidentit tragjik, aty do të kalonte vetë “Madhëria e Tij” për të kontrolluar punimet lokale në Vlorë dhe për të “vrarë” për të disatën herë politikisht kryebashkiakun e qytetit, Dritan Leli.
