Një 19-vjeçar është arrestuar nga policia e Korçës pasi u kap duke transportuar 13 emigrantë të paligjshëm dhe nuk iu bind urdhrit të Policisë për të ndaluar.
Sipas njoftimit të bluve, shtetasi R. K., 19 vjeç, banues në Tiranë u konstatua në aksin rrugor Korçë-Pogradec, në afërsi të fshatit Çërravë, duke lëvizur me mjetin tip “Volksëagen”.
Shërbimet e policisë i kanë bërë me shenjë drejtuesit të mjetit që të ndalonte, por 19 vjeçari nuk i është bindur urdhrit të tyre për të ndaluar dhe është larguar me shpejtësi, por pas ndjekjes është kapur dhe neutralizuar.
Gjatë kontrollit të ushtruar në mjet u konstatuan 13 emigrantë të paligjshëm, të cilëve 19-vjeçari kundrejt shpërblimit, iu kishte premtuar kalimin drejt vendeve të BE-së.
