Një makinë e cila ishte e parkuar në garazhin e një pallati në lagjen “1 Maji” në qytetin e Fierit është përfshirë nga flakët pasditen e sotme.
Dy automjete zjarrfikëse dhe policia ndodhen në vendin e ngjarjes.
Pallati është i banuar dhe makina vazhdon të digjet. Mësohet se kanë marre flakë edhe disa goma që ndodheshin brenda.
Shkaqet e zjarrit në mjet nuk dihen ende ndërsa garazhi është pëfshirë nga tymi. Banorët e kateve të para të pallatit po evakuohen.
Ndërsa zjarrfikësit vijojnë operacionin për shuarjen e flakëve.
