Situata në pikën kufitare të Kakavijës vijon të paraqitet e rënduar, pasi janë krijuar radhë të gjata automjetesh për shkak të kontrolleve të palës greke si dhe për shkak të sporteleve të pakta në punë.
Edhe dje ishte e njëjta situatë, për shkak se pas lirimit të masave nga ana e shtetit grek shumë shqiptarë janë nisur drejt vendit fqinj për të takuar të afërmit. Ditën e djeshme shërbimet e DVKM Gjirokastër kanë përballuar një volum normal aktivitetesh në kontroll të udhëtarëve dhe mjeteve, gjatë hyrjes dhe daljes në R.Sh-së.
Në funksion të këtij aktiviteti, janë përpunuar një numër prej 1930 shtetasish në hyrje–dalje, nga të cilët 842 në hyrje dhe 1088 në dalje. Mësohet se pala greke aktualisht po punon me dy sportele.
