Një ngjarje e denjë për skenar filmash ka ndodhur në Serbi, ku ka mbetur i plagosur një 27-vjeçar me inicialet M.SH, ndërsa autori është larguar në drejtim të paditur.
Të shtënat kanë ndodhur në një lokal, kurse i plagosuri është i njohur me nofkën Shele. Sipas mediave serbe, ai ka pësuar tri plagë në pjesë të ndryshme të trupit.
Në anën tjetër policia ka bërë të ditur se ka filluar hetimet dhe se është vënë në kërkim të sulmuesit. Deri më tani nuk dihen motivet e këtij sulmi.
