Një aksident raportohet të ketë ndodhur paraditen e sotme në aksin rrugor Shkozet-Plepa, Durrës.
Mësohet se ngjarja ka ndodhur rreth orës 10:45, ku shtetësja me iniciale S. S., duke drejtuar mjetin tip “Audi” është përplasur me mjetin tip “Volkswagen” me drejtuese shtetasen B. Sh.
Për pasojë janë plagosur lehtë të dyja drejtueset e mjeteve të cilat po marin ndihmë mjekësore në spital.
Grupi hetimor ndodhet në vendngjarje dhe po punon për zbardhjen e rrethanave të aksidentit.
