Sonte do të zhvillohen 4 ndeshjet e fundit të grupeve në “Euro 2020”.
Por, çfarë u duhet Kombëtareve të bëjnë dhe kush ka mundësi kualifikimi? Dy të parët e grupeve kualifikohen direkt, nga gjashtë grupe 12 Kombëtare do të kualifikohen direkt në fazën e eliminimit, ndërsa nga vendi i tretë do të kualifikohen katër të tjera.
Grupi A: Italia dhe Uellsi janë kualifikuar, ndërsa Zvicra kualifikohet nga vendi i tretë si njëra nga katër skuadrat.
Grupi B: Belgjika dhe Danimarka kualifikohen direkt, ndërsa Finlanda ka tri pikë dhe duhet të presë deri në fund rezultatet për të shpresuar kualifikimin
Grupi C: Holanda dhe Austria janë kualifikuar nga dy vendet e para, ndërsa Ukraina shpreson të kualifikohet si e treta më e mirë.
Grupi D: Anglia dhe Kroacia kualifikohen nga vendet e para, dhe Çekia me katër pikë është Kombëtarja e dytë mbas Zvicrës që siguron kualifikimin nga vendi i tretë.
Grupi E: Në këtë grup gjithçka është e hapur, Suedia ka siguruar kualifikimin edhe nëse bie në vendin e tretë, ndërkohë Spanja ka dy pikë dhe Sllovakia ka tri dhe Polonia e fundit me një. Spanja luan me Sllovakinë, ndërsa Suedia me Poloninë.
Grupi F: Grupi i “vdekjes” ka dhuruar spektakël, edhe këtu gjithçka mbetet e hapur. Franca ka katër pikë dhe ka siguruar kualifikimin, ndërsa Gjermania dhe Portugalia ende po luftojnë me nga tri pikë. Në rast se Portugalia humb nga Franca, atëherë ata mund të mos kualifikohen nga vendi i tretë ndërkohë Gjermania përballet me Hungarinë dhe mund të kualifikohet me fitore apo barazim në rast se humb Portugalia.
