Kishte dijeni për vrasjen e dy kushërinjve nga djali i tij, gjykata liron nga burgu Rrok Pepajn

Foto ilustruese

Rrok Pepaj, babai i autorit të vrasjes së 2 kushërinjve në parcelën e Drogës në fshatin Vrith të Malësisë së Madhe, është liruar nga burgu. Babai i Danjel Pepajt i cili është shpallur në kërkim për vrasjen e Vilson Çutajt dhe Klement Pepajt, është lënë i lirë me vendim të Gjykatës së Shkallës së Parë në Shkodër.

3 ditë pas vrasjes në fillim të Tetorit, të 2 kushërinjve, Rrok Pepaj u vendos në pranga për me akuzën e kultivimit të bimëve narkotike. Mbrojta e tij e konsideroi arrestimin të padrejtë, ndërsa çështja shkoi me rekurs në Gjykatën e Lartë ku kjo e fundit ka vendosur rikthimi  e çështjes në Shkallën e parë.

Pepaj është detyruar të pranojë se kishte dijeni për parcelën e drogës ku edhe u vranë 2 të rinjtë, ndërsa nuk janë gjetur prova se ai ka qenë posedues i tyre e për këtë arsye është bërë edhe lirimi nga burgu.

Çështja e tij është hetuar e ndarë me atë tç djalit të tij Danjel Pepës që është në kërkim policor prej 9 muajsh me akuzën e vrasjes dhe kultivimit të bimëve narkotike. Rrok Pepaj  ka këmbëngulur vazhdimisht se parcela me drogë, nuk është në pronësi të tij. Sa i përket Danjelit, 62-vjeçari thotë se përgjegjësitë janë individuale.

LEXO EDHE  Edhe Greqia kundër vaksinave me detyrim, nisin protestat (Video)

“Nuk ka asnjë provë ligjore se këto bimë narkotike, të gjetura nga policia gjatë kontrollit të territorit për të gjetur viktimat të jem unë autor i mbjelljes apo të pasjes dijeni për to. Vendi ku janë gjetur bimët narkotike nuk është tokë e imja, që sipas ligjit të mbaj përgjegjësi. Këto bimë as nuk i kam mbjellur unë, as nuk mbaj përgjegjësi për to”, pretendonte Pepaj në rekursin e tij, ndërsa tashmë diçka në dëshminë e tij ka ndryshuar sa i përket pasjes dijeni.

Pepaj thotë nuk ka asnjë përgjegjësi për veprimet e djalit që dyshohet se ka qenë pronari i parcelës së drogës dhe se vrarë dy kushërinjtë.