Fusha e mbetjeve urbane në Fier është kthyer në shqetësim për të gjithë qytetin, pasi era e pakëndshme ndjehet kudo. Ambientalisti Besmir Agalliu ngre alarmin, pasi sipas tij edhe pse bashkia është në dijeni se po shkaktohet një masakër mjedisore deri më tani nuk ka marrë asnjë masë.
Banorët theksojnë se në verë tymi kur i vënë zjarrin dhe aroma që lëshojnë plehrat bëhen të padurueshme. Nga ana tjetër ambientalisti dhe inxhinieri i mjedisit, Besmir Agalliu ka pohuar faktin se kjo metodë funksionimi që po bën bashkia Fier në lidhje me mbetjet urbane duhet paditur në prokurori për masakër njerëzore.
Ndërkohë, shumë prej banorëve shprehen se po i shkurtohet madje edhe jeta nga kjo situatë.
“Jemi të sëmurë nga kjo plehra edhe s’kemi çfarë të bëjmë nuk na pyet njëri. Po na shkurtohet jeta.”- thotë një banor.
Ndërkohë, një banore tjetër shprehet:
“Ne e dimë si s’kemi vdekur. Çuni iku me gjithë fëmijët.”
