Gjykata e Durrësit ka vendosur masën ‘Detyrim Paraqitje’ për dy punonjësit e OSHE, Ervin Stafa dhe Xhavit Istrefi, të arrestuar disa ditë më parë nga polica.
Arrestimi i tyre u krye pasi në një u konstatua se një shtëpi bari në Shijak po kultivohej kanabis.
Sipas policisë ata akuzoheshin për shpërdorim detyre pasi dyshoheshin se kishin favorizuar aktivitetin e paligjshëm të kultivimit të kanabisit në ambiente të brendshme, duke mos kontrolluar linjën elektrike, si dhe matësin e energjisë elektrike.
Për këtë ngjarje janë shpallur në kërkim edhe tre autorët e dyshuar si kultivuesit e kanabisit.
Gjykata e Durrësit ka marrë sot vendimin “detyrim paraqitje” për dy punonjësit e OSHEE, të arrestuar për shpërdorim detyre.
Dy punonjësit akuzohen se kanë favorizuar aktivitetin e paligjshëm të kultivimit të kanabisit në ambiente të brendshme, duke mos kontrolluar linjën elektrike, si dhe matësin e energjisë elektrike.
Mësohet se tani këta dy shtetas do të hetohen në gjendje të lirë për akuzën e ngritur ndaj tyre.
Ervin Stafa dhe Xhavit Istrefi, u arrestuan javën e kaluar, pas zbulimit të vilës së barit në Hardhishtë të Shijakut.
Ndërkohë tre autorët e dyshuar për kultivim të narkotikëve dhe përshtatjen e vilës 3-katëshe të Andi Dashit (Greca) janë në kërkim nga policia.
