Drejtori i Partizanit, Olsi Rama, pritet të niset drejt Ohrit për t’iu bashkuar skuadrës në Maqedoni. Ditën e nesërme Rama pritet në Ohër dhe sapo të mbërrijë, nuk do të ketë kohë për “pushime”.
Drejtori i kuq ka disa çështje për të zgjidhur dhe kjo gjë konfirmohet edhe nga udhëtimi i tij drejt Ohrit. Janë disa lojtarë që e kanë të ardhmen të paqartë. Egzon Belica, Esat Mala dhe Esin Hakaj janë katër lojtarët që nuk kanë rinovuar ende me Partizanin.
Për Hakajn ka oferta konkrete nga Vllaznia dhe Turqia, ndërsa Mala ka tërhequr interesimin e ekipit turk Giresunsporlu. Pra, e gjithë kjo situatë e krijuar pritet të marrë zgjidhje nga bisedimet mes drejtorit Rama dhe këtyre futbollistëve, që të vendoset përfundimisht për bashkëpunimin.
