Nga BoldNews.al
Plehrat mbulojnë Durrësin! Situata ngjason me qytetet italiane, kryesisht në Napoli dhe Palermo vite më parë. Në ato kohëra, mafia italiane ishte futur thellë në biznesin e “pistë”, por fitimprurës të plehrave. Dhe, nëse një drejtues politik i qytetit, nuk i miratonte një kërkesë të tyre, atëherë plehrat mbulonin qytetet. Por, a ka ngjashmëri me qytetet shqiptare? Prej disa muajsh po vlojnë akuzat se plehrat e Durrësit po kërkohen me insistim të dërgohen në landfillin apo inceneratorin e Sharrës në Tiranë. Një biznes fitimprurës, ku akuzat e politikës e kanë lidhur me individë politikë të krahut të majtë.
Por, deri më tani, askush nga Bashkia e Durrësit nuk po guxon të firmosë, pasi firmëtari mund t’i kushtojë shumë shtrenjtë taksapaguesve të Durrësit. Do të duhen dhjetëra miliona euro që këto plehra të transferohen në Sharrë. Dhe, në këtë pamundësi, pushteti nën rrogoz i Durrësit po vepron shumë “pisët”. Madje, siç shkruam në krye, si mafia italiane.
Këta drejtues po zbatojnë skemën e mafies italiane, duke mbushur qytetin bregdetar, në pikun e sezonit veror me plehra. BoldNews ka bërë një vëzhgim në rrugët e qytetit të Durrësit, ku kazanët e plehrave ishin tejmbushur. Madje, plehrat ishin hedhur edhe në rrugë. Situatë mjaft emergjente mjedisore, por që duket se vjen si diktat i politikës qendrore.
Nëse në Vlorë politikanët qendrorë po ushtrojnë presion te Dritan Leli, e kundërta po ndodh te Ermonela Sako. Kjo e fundit po mbrohet me fanatizëm, të paktën deri sa të firmosë që këto plehra të dërgohen në Tiranë. Megjithëse është e komanduar, Sako po mbron idenë që plehrat të shkojnë në kryeqytet. Por, për këtë vendimmarrje po ua kërkon vartësve.
Pavarësisht se Durrësi është kthyer në një landfill të madh, deri më tani s’kemi dëgjuar ndonjë akuzë nga politikanët qendrore. Po pse për Lelin që s’ka asgjë në dorë dhe për Sakon asnjë gjë.
