Këngëtarja Fitnete Tuda, e ftuar në emisionin “Ditë e Re” në Rtv Ora, tha se pavarësisht tregut komercial, muzika cilësore dhe vlerat nuk humbasin dhe se publiku e identifikon muzikën e mirë. Fitnete Tuda e krahason muzikën e mirë me verën, sa më shumë kohë të kalojë, aq më shumë rritet vlera.
“Në verë dalin shumë këngë të reja, ndërsa sa më përket mua unë jam më ndryshe. Kam krijuar më pak. Këngët që i krijoj, i krijoj për kënaqësinë time. Jetojmë në një kohë moderne, në një kohë ku gjithçka bëhet për tu konsumuar, komerciale. Dhe muzika është si fast food, të shijon, si ai ushqimi , por pastaj e harron shumë shpejt. Kënga e mirë është si vera, sa më gjatë që kalon koha, të shijon më shumë.
Sot kemi më shumë sasi e cilësi, megjithatë ka vlera dhe artistë që nuk bëjnë muzike fast food. Vlerat nuk harrohen. Fakti komercial është shumë i pranishëm edhe në muzikë.Muzika ka vend për të gjithë artistët dhe padyshim publiku e e gjen atë që do.”
