Kjo është fotoja e fundit që Caroline bëri para vrasjes së saj

Mediat greke publikuan nga dosja hetimore, imazhin e fundit që fiksoi aplikacioni në celularin e Caroline Crouch para se të vritej nga bashkëshorti i saj, Haralambos Anagnostopulos 32 vjeç.

Fotoja është realizuar pas mesnatës duke gdhirë 11 maji 2021, pak orë para se ajo të vdiste.

Foto është imazh i regjistruar nga aplikacioni në celular i Caroline e cila kishte lidhur kamerën në dhomën e ndenjes me telefonin e vet për të monitoruar të voglën Lydia.

Në foto duket Harry ose Babis 32 vjeçar shtrirë në divan me Lydia-n në krahë, në katin e parë të banesës së tyre në Glyka Nera, zona Ageia Paraskevi, ndër pjesët e pasura të Athinës.

Fotoja është gjëja e fundit që evidentohet me prova imazherike të asaj që ka ndodhur në atë banesë më 11 maj.

LEXO EDHE  ‘Hape derën o k***’/ Ja çfarë deklaroi në polici personi që refuzoi urdhërin për kontroll! Emri (Video)

Vetëm pak më pas, aplikacioni nuk regjistroi më imazhe sepse 32 vjeçari nxori kartën SD të kamerës dhe e copëtoi duke e hedhur në tualet.

Sipas raportit mjeko-ligjor, vrasja brutale ndodhi nga ora 4:05 deri në 4:11. I dyshuari zhduku provat filmike rreth orës 1.

Por provat e tjera e mbysin të riun. Në 4:24:00 celulari del nga modaliteti i karikimit, 4:36:23 celulari zhbllokohet, futet në aplikacionin e postës elektronike gmail, 4:38:53 bllokohet celulari, 5:22: 31 regjistron një lëvizje të 29 shkallëve me një distancë prej 21,93 metra, 5:40:38 deri 5:41:42 regjistron një ngjitje dy herë nëpër kate me një lëvizje prej 103 shkallësh dhe një distancë prej 66,41 metrash.

Të gjitha këto prova rrëzojnë pretendimin pretendimin të dyshuarit se në oraret e mësipërme ka qenë i lidhur nga grabitësit.