Euro 2020/ Sot, luhen takimet e fundit për grupet B dhe C
Ditën e sotme luhen katër sfida të vlefshme për grupet B dhe C të kampionatit europian.
Kjo e Hënë shënon dhe ndeshjet e fundit për skuadrat në këto grupe dhe do të përcaktojë katër ekipe që do të vijojnë në fazën me eliminime të europianit.
Për grupin C, Maqedonia e Veriut që deri më tani ka marrë dy humbje, përballet me Holandën e kualifikuar me 6 pikë. Interesante do të jetë përballja tjetër mes Ukrainës dhe Austrisë që do të përcaktojë vendin e dytë në grup. Më e favorizuar shihet skuadra e Shevçenkos që mban vendin e dytë për shkak të golavarazhit. Një i barazim do ti kualifikonte ata më tej.
Në grupin B, Finlanda që kërkon kualifikimin përballet me Belgjikën që tanimë të kualifikuar. Në ndeshjen tjetër, Rusia që po ashtu kërkon të shkojë në fazën tjetër të Europianit gjen përballë Danimarkën me 0 pikë.
Nga ora 18:00 luhen takimet e grupit C, ndërsa të grupit B nisin në 21:00.
