Java ka nisur me temperatura të larta dhe me shumë diell.
Sipas Meteoalb, kjo do të jetë java më e nxehtë e qershorit dhe e verës deri më tani.
Meteorologia, Lajda Porja, thotë për emisionin “Ditë e Re” se temperaturat maksimale do të shkojnë deri më 40 °C.
Në mesjavë temperaturt do të rriten ndjeshëm, ndërkohë në fundjavë do të ulen në 2 deri në 3 °C.
“Kjo javë do të jetë java më e nxehtë e qershorit dhe e vrrës deri më tani , duke qenë se kemi dhe dy muaj tjerë përpara. Parashikohet sot që moti t jetë i kthjellët, vranësirat të jenë shumë pak të pranishme. Në ekstremin verior pritet të ketë rebeshe afatshkurtra shiu, por në sasi të vogla, vetëm për disa minuta. Do të jemi nën rrezatimin e diellit në orët më të shumta të ditës. Sot edhe nesër mbetemi në vlerën jo m,ë shumë se 36 gradë. Duke filluar që nga dita e mërkurë temperaturat maksimale do shkojnë 40 °C, apo edhe mbi 40°C. Zonat më të nxehta parashikohet të jenë Tirana, Elbasani, Fieri, Shkodra, Kuçova, ku do të shënohen vlerat më ekstreme”, tha ajo.
