Franca në ankth për Dembele, Belgjika humbet një titullar përpara Finlandës

Ousmane Dembele shqetëson Francën, ndërsa Belgjika do të ketë një mungesë në sulm për sfidën ndaj Finlandës. Kampionët në fuqi të botës nuk ia dolën të thyejnë Hungarinë ditën e djeshme, ndeshje që përfundoi në barazim 1-1.

Dembele u fut në fushë në minutën e 57-të në vend të Rabiot, por dëmtimi i pësuar në gju e detyroi të braktiste takimin tre minuta përpara fundit. Te Franca janë në ankth për gjendjen e lojtarit ofensiv.

“Do të verifikojmë situatën e tij, Ousmane do t’i nënshtrohet kontrolleve të detajuara“, deklaroi trajneri Didier Deschamps, i cili i frikësohet faktit që 24-vjeçari i Barcelonës mund t’i ketë thënë lamtumirë Euro 2020.

LEXO EDHE  Zyrtarisht te "Djajtë e Kuq", Sancho: United ëndërr e realizuar

Belgjika kryeson grupin B me 6 pikë të plota. Nesër (21:00) zhvillohet përballja e fundit dhe ndaj Finlandës do të synohet suksesi i tretë radhazi. Trajneri Roberto Martinez nuk do të ketë të gatshëm Thorgan Hazard.

Mesfushori ofensiv i Dortmund, i cili realizoi një nga golat në triumfin 2-1 ndaj Danimarkës, ndjen shqetësime në gju dhe vazhdon rikuperimin për të qenë në dispozicion për ndeshjet e tjera.