Detaje të reja janë zbardhur nga ngjarja në Sarandë në orët e para të mëngjesit, ku u qëllua me breshëri kallashnikovi, shtetasi Spiro Iljadhi.
Mësohet se personi tjetër i plagosur është shtetasi Mario Jani, 33-vjeçari, shqiptaro-amerikan, i cili raportohet se ka qënë duke kaluar rrugën, ndërsa është qëlluar aksidentalisht.
Sipas informacioneve, i riu kishte ardhur në Sarandë për të kaluar pushimet.
Mësohet se plumbat e prekën në fundshpinë, ndërsa fatmirësisht ndodhet jashtë rrezikut për jetën.
