Detaje të reja zbulohen nga dosja hetimore që çoi në pranga tetë persona këtë të Shtunë, të akuzuar për vepra të ndryshme penale.
Mes të arrestuarve ishin dhe oficeri i policisë gjyqësore Napolon Hodaj e ish-eksperti mjeku ligjor, Hysen Korenica.
Burime pranë grupit hetimor bënë me dije se përgjimet zbuluan rastin kur oficeri i policisë gjyqësore ndihmoi një të dyshuar për vjedhje me dhunë dhe plagosje, t’u shpëtonte akuzave.
Në këtë episod, sipas akuzës, përfshihet edhe ish-eksperti mjeku ligjor, Hysen Korenica, i cili akuzohet për ekspertim të rremë dhe do të hetohet të gjendje të lirë.
Të Enjte, me kërkesë të SPAK, Gjykata e Posaçme caktoi masën e arrestit me burg ndaj Napolon Hodajt – Oficeri i Policisë Gjyqësore në Prokurorinë Pranë Gjykatës së Shkallës së Parë Sarandë, i dyshuar për kryerjen e veprës penale të “Ushtrim i ndikimit të paligjshëm ndaj personave që ushtrojnë funksione publike”.
Ndërsa ndaj Hysen Korenicës, ish ekspert mjeko–ligjor, gjykata ka caktuar masën e sigurimit personal me karakter shtrëngues “Detyrim për t’u paraqitur në policinë gjyqësore”, si i dyshuar për kryerjen e veprës penale të “Ekspertim i rremë”.
Masat u ekzekutuan këtë të Shtunë nga policia.
Lexo edhe:
