EURO 2020/ Spanja zhgënjen sërish, ndalet nga Lewandowski

Një tjetër barazim për Spanjën në Grupin E të Kampionatit Europian. Iberikët që vinin pas ndeshjes pa gola me Suedinë, u ndal në një tjetër barazim 1-1 me Poloninë në “La Cartuja”.

Ndryshe nga ndeshja e parë, skuadra e Luis Enriques sulmoi më shumë dhe krijoi raste dhe duhet pranuar që Alvaro Morata po kthehet në problem për rastet e humbura.

Sulmuesi i Juventusit gjeti golin në minutën e 25’ falë ndërhyrjes nga VAR pas një krosimi në zone që dyshohej se ishte pozicion të parregullt.

Polakët përgjigjen me Swiderskin me një gjuajtje që përfundon në shtyllë por nëse fati nuk i ndihmoi aty, në pjesën e dytë u buzëqesh me golin e Lewandowskit në 54’.

LEXO EDHE  VIDEO/ Fitoi dy medalje ari në peshëngritje, kinezi ngriti 313 kg me një këmbë!

“Bomberi” i Bayern Munich gjen golin e parë në këtë Europian teksa pak minuta më vonë vetëm 4’, Spanja fiton një penallti sërish me ndihmën e VAR.

Kësaj radhe, Moreno gjuan dhe e gabon por topi i kthyer për Moratën me portë bosh nuk shkon në rrjetë pasi sulmuesi e dërgon jashtë.

Minutat kalojnë dhe skuadrat përpiqen të mbrohen për të mos humbur edhe pikën që kanë dhe ndeshja në fund mbyllet me barazimin 1-1.