VIDEO/ Kapet me mina me telekomandë në makinë, arrestohet i riu (Emri)

Elton Jata, 33 vjeç, banues në Pezë-Tiranë, është arrestuar nga policia e Fierit pasi në automjetin me të cilin lëvizte janë gjetur dy mina me telekomandë.

Blutë njoftuan se operacioni policor i koduar “Porosia”, erdhi “bazuar në informacionet e marra në rrugë policore”.

Nga kontrolli i ushtruar nga shërbimet policore, në vendin e quajtur “Vija e Ngjalës”, në mjetin tip “Benz” me të cilin ky 33-vjeçari udhëtonte, iu gjetën 2 elektrodetonatorë të montuar në brendësi të lëndës plasëse të lidhur me celularë, të gatshme për shpërthim të kontrolluar, të cilat u sekuestruan në cilësinë e provës materiale.

LEXO EDHE  Varianti "Delta" qarkullon në Shqipëri, ja ç'thotë Ministria e Shëndetësisë

Ndaj të riut është ngritur akuza për veprën penale “Trafikimi i lëndëve plasëse, djegëse, helmuese dhe radioaktive”.