“Ushqimet në kushte të papërshtatshme”/ Pezullohen dy punishte në Dibër

Aktiviteti i dy punishteve në Dibër është pezulluar, pasi akuzohet se punonin produkte ushqimore në kushte të pa përshtatshme higjenike në kundërshtim me ligjin ‘Për Ushqimin’, dhe aktivitetin e ushtronin pa qenë të regjistruar pranë organeve tatimore.

Po ashtu, për pronarët e dy subjekteve, M.K., 55 vjeç, banues në Shupenzë dhe M.P., 65 vjeç, banues në Peshkopi, ka nisur procedimi penal.

“Procedimi penal ndaj tyre filloi pasi, gjatë kontrolleve të ushtruara nga Specialistët për Hetimin e Krimit Ekonomik e Financiar në bashkëpunim me Autoritetin Kombëtar Ushqimor, kanë ushtruar kontrolle të befasishme në disa punishte që dyshoheshin se përdoreshin në mënyrë të kundërligjshme për prodhimin e ushqimit për konsum. Si rezultat, në  Shupenzë është bllokuar punishtja e  shtetasit M.K. dhe në qytetin e Peshkopisë është bllokuar punishtja e shtetasit M.P.,  pasi janë konstatuar duke prodhuar produkte ushqimore në kushte të pa përshtatshme higjenike në kundërshtim me ligjin ‘Për Ushqimin’, dhe aktivitetin e ushtronin pa qenë të rregjistruar pranë organeve tatimore”, njoftoi policia.

LEXO EDHE  Aksidenti në Kroaci, kush është shoferi shqiptar që humbi jetën (Emri+Foto)

Materialet procedurale  iu referuan Prokurorisë pranë Gjykatës së Shkallës së Parë Dibër, për veprat penale “Mashtrimi me produktet ushqimore”, “Fshehja e të ardhurave” dhe “Ushtrimi i aktivitetit pa qenë i regjistruar pranë organeve tatimore”, shtuan të njëjtat burime.