Varianti Delta i COVID-19, i identifikuar për herë të parë në Indi, po bëhet varianti mbizotërues global i sëmundjes, tha të Premten shefi shkencëtar i Organizatës Botërore të Shëndetësisë.
Soumya Swaminathan gjithashtu shprehu zhgënjim në dështimin e kandidatit për vaksinë të CureVac në një provë për të përmbushur standardin e efikasitetit të OBSH-së, në veçanti kur variante shumë të transmetueshme rrisin nevojën për vaksina të reja, efektive.
Britania ka raportuar një rritje të madhe të infeksioneve me variantin Delta, ndërsa zyrtari më i lartë i shëndetit publik të Gjermanisë parashikoi se do të bëhej me shpejtësi varianti mbizotërues atje, pavarësisht rritjes së normave të vaksinimit.
“Varianti Delta është në rrugën për t’u bërë variant mbizotërues globalisht për shkak të transmetueshmërisë së tij të shtuar,” tha Swaminathan në një konferencë shtypi.
