Ministria e Shëndetësisë e drejtuar nga Ogerta Manastirliu ka vendosur të ndërpresë kontratat për 1 mijë mjekë specializantë, të cilët janë punuar gjatë kohës së pandemisë.
Në njoftimin e dhënë nga Ninistria thuhet se duhet të ndërpritet menjëherë kontrata e 1 mijë mjekëve specializantë dhe se lista me vendet vakante që do të mbeten, pas ndërprerjes do të plotësohet me emra të tjerë.
Kjo kërkesë i referohet operatorëve shëndetësorë në qarqet; Tiranë, Elbasan, Vlorë dhe Shkodër.
Mjekët specializantë u angazhuan gjatë muajve të vështirë të pandemisë atëherë kur spitalet patën një mbingarkesë me numrin e pacientëve të shtruar për shkak të Covid-19.
Tashmë që shifrat e personave të prekur me Covid-19 kanë rënë ndjeshëm dhe zgjedhjet kanë përfunduar, duket se Manastirliu ka vendosur të ndërpresë kontratat mme bluzat e bardha.
