Lufta në PS/ Këshilltarët bashkiakë e presin në sallën e universitetit, Leli hyn në mbledhje online nga zyra

Vazhdon ‘telenovela’ mes Dritan Lelit dhe Këshillit Bashkiak të Vlorës, e cila e pati pikënisjen në zgedhjet e 25 prillit pasi Leli refuzoi urdhrin e Kryeministrit Rama për të lënë mandatin dhe për të garuar i nënti në listën e PS-së në Vlorë.

Këshilli bashkiak ka kërkuar një ballafaqim me Kryetarin, mirëpo ky është hera e dytë qërefuzon të marrë pjesë fizikisht në mbledhjet e Këshillit.

Këshilli Bashkiak u mblodh ditën e sotme në sallën e universitetit Ismail Qemali. Ndërkohë në faqen zyrtare të këshillit është bërë thirrje për mbledhje në “zoom”.

LEXO EDHE  Ministrja e Ramës: Po shtojmë borxhin publik që të rrisim ekonominë

Kryetari i Bashkisë së Vlorës, Dritan Leli ka refuzuar për herë të dytë të marrë pjesë në mbledhje fizikisht, por do te jete vetem online.

Lufta mes socialistëve në Vlorë është kthyer e ashpër tashmë. Vetë Kryeministri Edi Rama dhe të tjerë socialistë në krah të Ramës kanë sulmuar Dritan Lelin, duke gjetur si arsye papastërtinë në qytet.