Anglia dhe Skocia e mbyllën “betejën britanike” në barazim pa gola, edhe pse rastet nuk munguan në të dyja krahët.
John Stones iu afrua më shumë golit për ekipin e Gareth Southgate, kur goditi me kokë një top të harkuar nga këndorja, por tentativa e tij gjeti shtyllën, në minutën e 11.
Në minutën e 30, Skocia përgjigjet me një goditje diagonal të O’Donnell, por Pickford realizoi një pritje të shkëlqyer.
Në pjesën e dytë, Mount i Anglisë dhe Dykes i Skocisë rrezikuan portat kundërshtare, por pa arritur të zhbllokonin rezultatin.
Me këtë barazim, Anglia dhe Republika Çeke kryesojnë grupin D me 4 pikë, ndërsa Kroacia dhe Skocia ndjekin me nga 1 pikë.
Një fakt interesant, është që ndeshja e parë ndërkombëtare në historinë e futbollit ka qenë pikërisht mes Anglisë dhe Skocisë, në nëntor të vitit 1872 dhe përfundoi në barazim 0-0, ndërsa 149 vjet më pas historia përsëritet…
