Modelja Chrissy Teigen është përballur me akuza të shumta për bullizëm të ushtruar ndaj shumë personave në të shkuarën, të cilët duket se e kanë parë të arsyeshme vetëm tani të flasin hapur për këtë çështje.
Këngëtari John Legend, bashkëshorti i modeles, është pyetur publikisht për faktin si po e kalon bashkëshortja e tij këtë situatë aspak të lehtë. Në videon e postuar në “TMZ”, Legend tha thjesht: “Po ia del për mrekulli!“.
Këtë javë, stilisti i “Project Runway”, Michael Costello, postoi një deklaratë në Instagram, ku thonte se donte të vriste veten dhe se është ende i traumatizuar, i dëshpëruar dhe ka mendime për vetëvrasje, për shkak të bullizimit që ai pretendon se Teigen i ka bërë në 2014-ën.
Teigen, ka thënë se ka shumë njerëz të cilëve duhet t’u kërkojë falje publike dhe se ka arritur të kontaktojë me disa prej tyre privatisht.
Legend mbështeti postimin e bashkëshortes, duke e ripostuar në llogarinë e tij dhe duke theksuar një fjali të saj ku shkruhej: “Ne të gjithë jemi më shumë se momentet tona më të këqija“.
