Ukraina humbi ndeshjen e parë në Euro 2020 (3-2 ndaj Holandës) dhe sot po përballet me Maqedoninë e Veriut në “Arena Nationala” të Bukureshtit, duel i grupit C.
Djemtë e Andriy Shevchenkos kanë realizuar dy gola brenda pesë minutave. Sfida u zhbllokua në minutën e 29-të nga Andriy Yarmolenko. Goli i dytë në turne për sulmuesin e West Ham.
Ukraina nuk u ndal dhe tundi sërish rrjetën maqedonase pesë minuta më vonë. Sulmuesi i Gent në Belgjikë, Roman Yaremchuk doli i vetëm me portierin kundërshtar dhe finalizoi me gol një aksion të bukur.
