Luhet duke filluar nga ora 15:00, ndeshja mes Ukrainës dhe Maqedonisë së Veriut, e vlefshme për Grupin C në Euro 2020.
Skuadrat futen në fushë vetëm për fitoren, për të shpresuar te kualifikimi për më tej. Skuadra e Shevçenkos vjen si favorite, pas paraqitjes shumë të mirë ndaj Holandës, ku u mposhtën në fund 3-2.
Maqedonia e nis Europianin me humbje, teksa u mposht 3-1 nga Austria dhe tashmë do të kërkojnë të bëjnë surprizën, për të marrë fitoren e parë në histori në këtë kompeticion.
Për sa i përket formacioneve, trajnerët nuk i kanë kursyer më të mirët, duke hedhur në fushë, lojtarët që mendojnë se janë më në formë.
