Ministria e Financave propozon rritjen e çmimit të ujit si mundësi për shlyerjen e borxheve të ujësjellësve.
Por së fundi dhe Enti Rregullator ka propozuar deri në katërfishimin e faturës së konsumatorëve.
Kjo me dy argumenta: së pari, përballimin e kostove dhe së dyti, bashkimin e 54 ndërmarrjeve deri në 5 të tilla.
Sipas raportit tarifa duhet të jetë e njëjtë për të gjitha bashkitë deri në 1 mijë e 400 lekë nga 350 lekë që është më e ulëta aktualisht.
Një rritje tjetër e çmimit të ujit sipas qytetarëve do të ishte e papërballueshme për ta,madje disa e konsiderojnë si abuzive.
“Uji nuk kemi pasur dhe nuk kemi. Rritja e çmimit është absurde. Është shumë gabim nuk është dakord se përballojmë dot. Mundësisht të ulet. Për aq kohë sa nuk kemi një minimum jetik në këtë vend nuk mund të kemi rritje as të çmimit të ujit as çfarëdo lloj çmimi tjetër.”- shprehen qytetarët.
Në fakt vetë ERRU-ja e pranon se kjo do të krijonte kosto dhe probleme të mëdha, sidomos në veri ku propozohet dhe rimbursimi.
Ndërkohë propozohet dhe një variant tjetër i dytë, ai i bashkimit gradual mbi baza vullnetare dhe me iniciativë nga qeveria qendrore.
