Ka startuar në orën 18:00 supersfida e Grupit B të Europianit mes Danimarkës dhe Belgjikës. Skuadra nordike kthehet në “Parken Stadium” në Kopenhagë, pesë ditë pas ngjarjes me Christian Eriksen, i cili pësoi arrest kardiak në ndeshjen kundër Finlandës.
Për këtë ndeshje, Kasper Hjulmand bazohet tek 11-shja e mundur, por me dy ndryshime. Kasper Scheimchel është në portë, ndërsa mbrojtja është e përbërë nga Andreas Christensen, Simon Kjaer dhe, risia, Jannik Vestergaard. Në mesfushë janë Hojbjerg, Delaney dhe Daniel Wass.Në sulm, Mikkel Damsgaard, 20 vjeç, zë vendin e Jonas Wind.
Përballë, Roberto Martinez nuk (pothuajse) ndryshon ekipin. Klasike 3-4-3 me Thibaut Courtois si portier. Dy ndryshime kokë më kokë. Jason Denayer zë vendin e Boyata në qendër të mbrojtjes. Timothy Castagne është lënë jashtë dhe vendin e tij e merr Thomas Meunier që së bashku me Thorgan Hazard luan rolin e pistonit. Romelu Lukaku shoqërohet nga Dries Mertens dhe Yannick Carrasco në sulm.
Ndiqni ndeshjen LIVE:
