Një person ka humbur jetën si pasojë e një aksidenti automobilistik. Nga raportimet mësohet se aksidenti ka ndodhur në aksin Cakran-Fier, ku një automjet tip Ford ka dalë nga rruga.
Për pasojë ka humbur jetën drejtuesi i automjetit.
Raportohet se drejt vendit të ngjarjes krahas policisë, ka shkuar edhe një makinë zjarrfikëse.
“Sot rreth orës 16:50, një shtetas ende i paidentifikuar, duke drejtuar automjetin tip “Ford”, në aksin rrugor Cakran-Fier, ka humbur kontrollin duke ka dalë nga rruga dhe për pasojë ka humbur jetën.
Në vendngjarje ndodhen shërbimet e policisë rrugore dhe po kryhen veprimet hetimore për zbardhjen e rrethanave të daljes nga rruga dhe identifikimin e viktimës”, tha policia.
