Mjeku epidemiolog, Ilir Alimehmeti ka komentuar situatën e pandemisë në vendin tonë e cila duhet se po shkon drejt fundit.
Ai shprehet se arsyet që shumë shtete vijojnë ti kërkojnë testin negativ apo dokumentin e vaksinimit shqiptarëve që udhëtojnë, janë më shumë diplomatike se sa epidemiologjike.
“Këto janë edhe diskutime të marrëdhënieve me jashtë, incidenca javore ka shkuar 4.6, Greqia e ka 182. Pra kemi diferencë të stërmadhe,” shprehet mjeku.
Sipas epidemiologut Ilir Alimehmeti i cili dhe më herët është shprehur se imuniteti natyral zgjat me vite ka ardhur koha për rishikimin e protokolleve të vaksinimit.
Të vaksinuarit dhe ata që e kanë kaluar koronavirusin sipas mjekut Alimehmeti janë të mbrojtur dhe ndaj varianteve të reja të Covid 19, qoftë dhe atij Indian me transmetueshmëri të lartë, tha ai.
Postimi nga Ilir Alimehmeti
“Nëse kemi të dhëna, le t’i shohim të dhënat. Nëse të gjithë kemi vetëm opinione, le të pranojmë opinionet e mia.”
Cit.: Daniel Keys Moran
🦠 Miqtë e mi, fatmirësisht situata COVID-19 është në rënie të fortë në Shqipëri, Kosovë dhe rajon, megjithatë siç e dini udhëtimet ndërkombëtare vazhdojnë të jenë me shumë kufizime për ne.
👉 Në këtë drejtim, le të shohim të dhënat dyjavore për Shqipërinë dhe Kosovën e t’i krahasojmë ato me vendet e BE-së (periudha 02-15 qershor 2021).
📄 Incidenca dyjavore e rasteve të reja është:
🇦🇱 4.6 / 100.000 banorë në Shqipëri dhe
🇽🇰 8.9 / 100.000 banorë në Kosovë.
🇪🇺 Kjo incidencë është tejet më e ulët se të gjitha vendet e BE-së, të cilat luhaten në intervalin 16.5-215.3:
🇷🇴 incidenca më e ulët është në Rumani (16.5 / 100.000 banorë) dhe
🇩🇰 incidenca më e lartë është në Danimarkë (215.3 / 100.000 banorë).
🇪🇺 Shtete me interes të veçantë për Shqipërinë:
🇬🇷 Greqia 182.5 raste / 100.000 banorë,
🇮🇹 Italia 67.5 raste / 100.000 banorë,
🇩🇪 Gjermania 59.9 raste / 100.000 banorë.
👉 Ndërsa për sa i përket vdekshmërisë dyjavore për 1.000.000 banorë, diferenca bien pak me shume shtete të Europës por megjithatë Shqipëria dhe Kosova janë në nivele të ulëta:
🇦🇱 Shqipëria – 1.0 vdekje / 1.000.000 banorë
🇽🇰 Kosova – 3.7 / 1.000.000 banorë
🇬🇷 Greqia – 47.1 / 1.000.000 banorë
🇮🇹 Italia – 21.8 / 1.000.000 banorë
🇩🇪 Gjermania 21.9 / 1.000.000 banorë.
🚫 Megjithatë, siç e dini mirë, Shqipëria nuk ka asnjë kusht për hyrjet nga shtetet e Europës, ndërkohë që paradoksalisht të gjitha shtetet Europiane vendosin kushte të rrepta për lëvizjet e shqiptarëve drejt tyre.
🤝 Pra, miqtë e mi, sa herë të pyesni veten mbi arsyet e kufizimeve të udhëtimeve tona, mos i hidhni sytë nga arsyet epidemiologjike, por nga arsyet diplomatike.
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
Akademia e Shkencave të Shqipërisë
Për detaje:
https://www.ecdc.europa.eu/en/cases-2019-ncov-eueea
