Teuta është pas Bekim Balaj. Sulmuesi i kombëtares shqiptare është pa skuadër pas largimit nga Sturm Graz dhe sipas shtypit të shkruar ka pasur një bisedë mes tij dhe trajnerit Edi Martini.
Dy shkodranët duket se kanë nisur negociatat e para dhe parashikohet që lojtari të ndihmojë më së pari skuadrën për Champions League.
Bisedimet kanë nisur dhe ende nuk ka diçka zyrtare. Në Durrës parashikojnë një skuadër të fortë për ndeshjet e Champions League, me kampionët tanë që dje “peshkuan” Sheriff Tiraspol, kampionët e Moldavisë.
Së pari mësohet se Balaj do jetë pjesë e këtyre dy ndeshjeve, teksa më vonë mund të diskutohet një kalim përfundimtar në Durrës edhe për sezonin e ri.
