Herald Marku pritet të jetë blerja e radhës e klubit të Partizanit. Ashtu siç raporton “Panorama Sport” ish-mesfushori i Vllaznisë, ka firmosur për 2 vite me “Demat”.
Marku shpërtheu në sezonin e tij të dytë me fanellën e Vllaznisë, duke qenë një prej lojtarëve stabël të formacionit kuqeblu.
Mesfushori arriti të shënonte edhe 4 gola, teksa e ndihmoi shumë skuadrën në fitore mjaft të rëndësishme gjatë kampionatit.
Në përfundim të kampionatit, kontrata e Markut me Vllazninë përfundoi, kësisoi mesfushori zgjodhi të niste një eksperiencë të re duke iu bashkuar “demave”.
