Sipas studimeve nga Skocia, të infektuarit me variantin indian janë dyfish më të rrezikuar në krahasim me variantin britanik ose Alfa. Gjithashtu sipas të dhënave nga Britania, personat që nuk janë vaksinuar, ose kanë marrë vetëm një dozë, si dhe qytetarët që kanë sëmundje të tjera bashkëshoqëruese, janë më të rrezikuar.
Mediat kanë raportuar pamje nga India, të mijëra njerëzve në spital, dhe të të vdekurve që digjeshin në krematoriumet e improvizuara në natyrë të cilat kanë tronditur të gjithë botën. Këto pamje nuk ishin të rastësishme, pasi sipas të dhënave, varianti indian, ose Delta, është më infektues dhe shkakton simptoma më të rënda tek të infektuarit.
Studiuesit nga Universitetet e Edinburgut dhe Strathclyde kanë botuar kërkimet e tyre në Lancet. Sipas studiuesve, të dy vaksinat Pfizer dhe AstraZeneca janë efektive kundër variantit indian ose Delta, por mARN-ja e Pfizer është më efektive kundër mutacionit indian,
