Mini “Meta TV”, 20 mijë euro për pajisje për median…

Nga Boldnews.al

Pak ditë më parë publikuam një hulumtim për shpenzimet e Kuvendit të Shqipërisë për te ashtuquajturën “GRTV”, pasi synohet që seancat dhe komisionet në Parlament të jenë online. Dhe, në këtë mënyrë përjashtoheshin gazetarët nga ambientet. Ky sistem do të kushtonte 200 mijë euro.

Më parë, kemi publikuar edhe shpenzimet e Bashkisë së Tiranës për mjetet teknologjike, shifër që shkonte deri në gjysëm milioni euro. Apo edhe shpenzimet qindra mijëra euro të “ERTV”, televizionit privat të kryeministrit Edi Rama, që mbahet në këmbë nga paratë e taksave tona. Po Presidenti a ka një “Meta Tv?! A i afrohet shpenzimeve të Ramës, Ruçit dhe Veliajt?

Sipas dokumentit të mësipërm, të siguruar nga BoldNeës, Presidenca ka hapur një tender të thjeshtuar mallrash. Objekti është “blerje pajisje për median”, për institucionin e Presidentit të Republikës për Vitin 2021. Fondi limit është 2.166.666 lekë pa TVSH. Kohëzgjatja e kontratës është 30 dotë nga lidhja e kontratës, ndërsa tenderi do të bëhet në datën 17 qershor. Pra, një shumë 10 fish më e ulët se e Ruçit. Apo 25 fish më e ulët se e Ramës dhe Veliajt. Por, nga ajo që kemi parë, edhe Meta bën lidhje direkt në rrjete sociale. Konferencat e jashtëzakonshme i transmeton online. Po, çfarë do blejë Presidenti?

LEXO EDHE  Operacioni tek ‘Varri Bamit’/ Policia: Sekuestruam 1.1 kg drogë, po verifikojmë dhunën ndaj gazetarit

Presidenti do të blejë disa pajisje. Si përshebull, kufje personale. Mikrofona pa tel dhe mizë. Gjithashtu edhe aparat fotografik, nga ata të rinjtë, karta, bateri, encoder. Gjithashtu edhe stativ dhe objektiv për aparatin. Pra, mjetet e “luftës” virtuale që pritet të ketë me mazhorancën, pas vendimit të kësaj të fundit për ta shkarkuar në Psrlament. Javët e ardhshme “beteja” do të zhvendoset në Gjykatën Kushtetuese, ku do të mësohemi me lidhje direkte nga Presidenca, Kuvendi apo Kryeministria. Shqiptarë, bëhuni gati. Krerët e shtetit po “luftojnë”! Jo për ju, po për karriget e veta.